Nefnd sem skipuð var til að yfirfara og móta stefnu Framsóknarflokksins í sjávarútvegsmálum er kominn á fullt í störfum sínum. Haldnir hafa verið tveir fundir nú í júní þar sem nefndarmenn hafa skipst á skoðunum um núverandi fiskveiðistjórnunarkerfi, ályktanir Framsóknarflokksins á síðustu flokksþingum og viðrað eigin skoðanir.  Sumarið verður notað til að taka saman punkta úr því efni sem samnast hefur á fundunum. Einnig munum við fá til liðs við nefndina sérfræðinga á sviðinu til að dýpka og undirbyggja rökræðuna. Í september heldur vinnan áfram m.a. með gestum en einnig opnum fundum til að sérhver flokksmaður eigi þess kost að koma sjónarmiðum sínum á framfæri.

Nefndin á að skila drögum að ályktun fyrir næsta flokksþing sem væntanlega verður haldið á fyrstu mánuðum ársins 2011.

Í nefndinni sitja eftirtaldir:

Reykjavík: Þórir Ingþórsson, Ingólfur Sveinsson, Rakel Dögg Óskarsdóttir.

Norðvestur: Svava Halldóra Friðgeirsdóttir, Jón Edvald Friðriksson.

Norðaustur: Gunnlaugur Stefánsson, Einar Birgir Kristjánsson.

Suður: Hermann Stefánsson, Ásgeir Ingvi Jónsson.

Suðvestur: Bryndís Bjarnason, Birgir Már Pétursson.

SUF: Guðmundur Ragnar Björnsson, Davíð Freyr Jónsson.

LFK: Þórey Anna Matthíasdóttir, Bryndís Gunnlaugsdóttir.

Formaður hópsins er Sigurður Ingi Jóhannsson alþingismaður og fulltrúi flokksins í sjávarútvegs- og landbúnaðarnefnd Alþingis.