Sigfús Ingi Sigfússon, sem gegnt hefur starfi framkvæmdastjóra Framsóknarflokksins undanfarin þrjú ár, hefur sagt starfi sínu lausu. Sigfús, sem er borinn og barnfæddur Skagfirðingur, mun í upphafi næsta árs halda á heimaslóðir og taka við starfi verkefnastjóra í atvinnumálum hjá Sveitarfélaginu Skagafirði.

Tilkynnt verður á næstunni hver muni taka við af Sigfúsi sem framkvæmdastjóri Framsóknarflokksins.

Sigfúsi er þakkað mikið og óeigingjarnt starf í þágu flokksins og óskað velfarnaðar á nýjum vettvangi.