Hrólfur Ölvisson hefur verið ráðinn framkvæmdastjóri Framsóknarflokksins og tók hann formlega til starfa 1. janúar.

Hrólfur hefur undanfarin ár starfað sem framkvæmdastjóri Eiðfaxa hf. sem gefur út samnefnt alþjóðlegt tímarit um íslenska hestinn.  Hann hefur verið virkur félagi í Framsóknarflokknum s.l. 30 ár og verið fulltrúi í miðstjórn flokksins um árabil og var á árum áður m.a. framkvæmdastjóri Sambands ungra framsóknarmanna.  Hrólfur hefur gengt  fjölmörgum trúnaðarstörfum fyrir Framsóknarflokkinn.  Hann var framkvæmdastjóri dagblaðsins Tímans frá 1988-1993 og sat sem fulltrúi flokksins í bankaráði Búnaðarbanka Íslands frá 1998-2001.  Jafnframt hefur Hrólfur gengt fjölmörgum opinberum trúnaðarstörfum svo sem stjórnarformennsku í Brunamálastofnun frá 1997-2001, fyrsti formaður stjórnar Vinnumálastofnunar frá 1998-2007, stjórnarformaður Innkauparáðs Reykjavíkurborgar frá 2003-2005 og í siðanefnd Blaðmannafélags Íslands frá 1996-1998.

Á háskólaárum sínum sat Hrólfur sem fulltrúi í stúdentaráði fyrir Félag umbótasinnaða stúdenta og jafnframt sem fulltrúi stúdenta í stjórn Lánsjóðs íslenskra námsmanna frá 1984-1986.
 
Hrólfur Ölvisson, er 49 ára og kvæntur Irmu Sjöfn Óskarsdóttur, presti og verkefnastjóra á Biskupsstofu.  Hrólfur og Irma eiga tvær dætur.