Siv Friðleifsdóttir, alþingismaður,  sækir fundi dagana 12.-13. janúar, í Brussel ásamt nokkrum miðjumönnum í Norðurlandaráði.

Mun hún m.a. hitta sendiherra allra norrænu ríkjanna hjá Evrópusambandinu og Diönu Wallis, varaforseta Evrópuþingsins. Einnig mun hún sækja nýársfund miðjumanna í Evrópuþinginu (ALDE-group).

Siv segir að í ferðinni gefist gott tækifæri til að skýra frá stöðu mála á Íslandi hvað varðar efnahagsmál, fyrirgreiðslu Alþjóða gjaldeyrissjóðsins, lán Norðurlandanna til Íslands, tilskipanir ESB um bankatryggingar, Icesavelögin og væntalega þjóðaratkvæðagreiðslu á Íslandi.