Reykjavík skiptist í tvö kjördæmi, Reykjavik norður og suður. Hvort kjördæmið hefur 11 sæti á Alþingi, þar af 2 jöfnunarsæti. Núverandi kjördæmaskipan var samþykkt var með stjórnarskrárbreytingu árið 1999. Þá var ákveðið að hafa kjördæmi fæst sex en flest sjö, en áður voru kjördæmin átta talsins. Breytingin miðaði að því að draga úr misvægi atkvæða og laga hana að þróun búsetu í landinu.
Kosningar 2009
Samkvæmt íbúaskrá þjóðskrár fjórum vikum fyrir kjördag eru 87.532 kjósendur alls á kjörskrárstofni í Reykjavík.
Meðfylgjandi eru uppdrættir sem sýna mörk milli Reykjavíkurkjördæma með blárri línu og mörk kjörsvæða í Grafarholti:
Reykjavíkurkjördæmi norður Grafarholtshverfi (póstnúmer 113), austan Vesturlandsvegar, skiptist því milli suður- og norðurkjördæmis um Kristnibraut og Gvendargeisla. Ingunnarskóli verður sem fyrr kjörstaður fyrir bæði kjördæmin í Grafarholti. Þá tilheyrir Kjalarnes (póstnúmer 116)Reykjavíkurkjördæmi norður.
Þingmenn 11 - kjördæmakjörnir 9 - jöfnunarmenn 2
Kjósendur á kjörskrá 2009 í Reykjavík norður eru 43.784 kjósendur eða 50,02% af fjölda kjósenda í Reykjavík.
Kjósendur á kjörskrá 2007 í Reykjavík norður voru 43.775 talsins, þar af 21.445 karlar og 22.330 konur. Að baki hverju þingsæti voru 3.980 kjósendur.
Reykjavíkurkjördæmi suður Kjósendur sem búa við sunnanverða Hringbraut eða Miklubraut verða á kjörskrá í Reykjavíkurkjördæmi suður en þeir sem búa við þessar götur að norðanverðu eru á kjörskrá í Reykjavíkurkjördæmi norður.
Þingmenn 11 - kjördæmakjörnir 9 - jöfnunarmenn 2
Kjósendur á kjörskrá 2009 í Reykjavík suður eru 43.748 kjósendur eða 49,98% af fjölda kjósenda í Reykjavík.
Kjósendur á kjörskrá 2007 í Reykjavík suður voru 43.398, þar af 21.235 karlar og 22.163 konur. Að baki hverju þingsæti voru 3.945 kjósendur.
Reykjavíkurborg
Mannfjöldi 1. janúar 2009 119.547
101 Reykjavík 15.110 103 Reykjavík 1.770 104 Reykjavík 9.189 105 Reykjavík 16.100 107 Reykjavík 9.327 108 Reykjavík 12.146 109 Reykjavík 12.298 110 Reykjavík 10.922 111 Reykjavík 8.820 112 Reykjavík 17.390 113 Reykjavík 5.457 116 Kjalarnes 882 150 Reykjavík 138
