Suðvesturkjördæmi hefur 12 sæti á Alþingi, þar af 2 jöfnunarsæti. Núverandi kjördæmaskipan var samþykkt var með stjórnarskrárbreytingu árið 1999. Þá var ákveðið að hafa kjördæmi fæst sex en flest sjö, en áður voru kjördæmin átta talsins. Breytingin miðaði að því að draga úr misvægi atkvæða og laga hana að þróun búsetu í landinu.
Til kjördæmisins teljast sveitarfélögin Álftanes, Garðabær, Hafnarfjarðarkaupstaður, Kjósarhreppur, Kópavogsbær, Mosfellsbær og Seltjarnarneskaupstaður.
Kjördæmið er það fjölmennasta af kjördæmunum sex og er í daglegu tali nefnt Kraginn.
Kjósendur á kjörskrá 2007 í Suðvesturkjördæmi voru 54.584 talsins, þar af 26.991 karlar og 27.593 konur. Að baki hverju þingsæti voru 4.549 kjósendur.
