Framsóknarflokkurinn er lýðræðisflokkur. Kosningarnar 25. apríl eru haldnar að frumkvæði Framsóknarflokksins eftir ríka og skiljanlega kröfu almennings þar um.
Framundan er ögurstund í íslensku samfélagi. Efnahagskerfið er hrunið, fjöldi atvinnulausra nálgast 20 þúsund og fjöldi heimila og fyrirtækja á í miklum greiðsluerfiðleikum.
Framsóknarflokkurinn gengur til þingkosninga með hugmyndir og lausnir til að leiða okkur út úr kreppunni. Lausnir sem snúast um að auka lýðræði og réttlæti, tryggja hag heimila og fyrirtækja í landinu, standa vörð um íslenska velferðarkerfið og byggja upp betra Ísland - fyrir okkur öll!
