1. gr.
Sambandið heitir Landssamband framsóknarkvenna., skammstafað LFK. Heimili þess og varnarþing er í Reykjavík.

2. gr.
Hlutverk sambandsins er að vinna að:
a) kynningu á stefnumálum Framsóknarflokksins og auknu fylgi við þau.
b) auknu samstarfi meðal framsóknarkvenna.
c) aukinni þjálfun framsóknarkvenna í félagsstörfum og stóraukinni þátttöku þeirra í stjórnmálum.

3. gr.
Aðilar að LFK geta orðið:
a) Flokksbundnir framsóknarmenn.
b) aðrir sem óska aðildar enda séu þeir ekki félagar í öðrum stjórnmálasamtökum.

4. gr.
Landsþing skal halda annað hvert ár og skal það boðað með dagskrá með minnst mánaðar fyrirvara. Það fer með æðsta vald í málefnum sambandsins. Rétt til að sitja landsþingið hafa aðilar samkvæmt 3. grein með málfrelsi, tillögu- og atkvæðisrétt. Á landsþinginu skal fjalla um:
a) stjórnmálaástandið, störf og stöðu Framsóknarflokksins.
b) aðstöðu framsóknarkvenna til aukinnar stjórnmálaþátttöku.
c) störf sambandsins og hvernig megi efla þau.
d) önnur mál sem stjórnin telur ástæðu til að fjalla um á þinginu. Óski félagskonur að sérstök mál fái umfjöllun á þinginu skulu þau hafa borist framkvæmdastjórn tveimur mánuðum fyrir landsþing.

5. gr.
Kjör í framkvæmdastjórn fer fram á landsþingi. Kjósa skal formann beinni kosningu og síðan fjórar stjórnarkonur sem skipta með sér verkum. Kjósa skal tvær konur til vara í framkvæmdastjórn. Einnig skal kjósa á landsþingi sex konur, eina úr hverju kjördæmi og sex konur til vara með sama hætti og mynda þær ásamt framkvæmdastjórn "landsstjórn" sem kemur saman eigi sjaldnar en tvisvar á ári. Landsstjórnarfulltrúar skulu vera tengiliðir framkvæmdastjórnar við kjördæmin.
Engin getur setið lengur en 8 ár í framkvæmdastjórn eða landsstjórn í senn. Þó má kjósa formann framkvæmstjórnar óháð fyrri stjórnarsetu en enginn getur þó verið lengur formaður en í 8 ár í senn. Kjósa skal tvo skoðunarmenn reikninga.

6. gr.
Framkvæmdastjórn komi saman eftir þörfum. Verksvið framkvæmdastjórnar er:
- Að vinna að framkvæmd stefnumála samkvæmt 2 gr.
- Að annast daglegan rekstur samtakanna.
- Að fylgja eftir samþykktum landsþings.
- Að undirbúa landsþing og skipa uppstillingarnefnd.

7. gr.
Reikningsárið er almanaksárið. Reikningar Landssambandsins skulu afgreiddir á landsþingi.

8. gr.
Lögum þessum má breyta á landsþingi og þarf til þess einfaldan meirihluta þeirra sem á landsþingi sitja. Lagabreytinga skal getið í fundarboði.

9. gr.
Ef Landssamband framsóknarkvenna verður lagt niður, renna eigur þess til Framsóknarflokksins.