36. sambandsþing SUF í Borgarnesi 25.-26. september 2010
36. sambandsþing SUF fer fram dagana 25. og 26. september í Borgarnesi. Dagskrá þingsins er eins og hér segir.
Laugardagur 25. september 09:00 Skráning og afhending þinggagna 10:00 Þingsetning Kosning þingforseta (2) Kosning þingritara (2) Kosning starfsnefndar (3) 10:10 Skýrsla stjórnar og reikningar 10:30 Drög að ályktunum kynntar 10:40 Málefnahópar taka til starfa Hópur 1 - Stjórnskipun, mannréttindi, lýðræði og utanríkismál Hópur 2 - Efnahagsmál Hópur 3 - Atvinna, samgöngur og umhverfi Hópur 4 - Menntun, menning og íþróttir Hópur 5 - Velferð Hópur 6 - Lagabreytingar og aðrar tillögur 15:00 Afgreiðsla mála (hefst á afgreiðslu lagabreytinga og ályktunar um Evrópusamvinnu) 16:30 Hópefli í Íþróttamiðstöðinni í Borgarnesi 19:00 Kokteill í boði þingmanna Framsóknarflokksins 20:00 Hátíðarkvöldverður og skemmtun fram eftir kvöldi Sunnudagur 26. september 10:00 Afgreiðsla mála 11:00 Kosningar Formaður Stjórn (12) Varastjórn (12) Skoðunarmenn reikninga (2) Varaskoðunarmenn reikninga (2) 12:00 Hádegismatur 12:30 Afgreiðsla mála heldur áfram ef á þarf að halda Þingslit um miðjan dag
Gagnlegar upplýsingar
Þinggjöld Þinggjald er 2.500 kr. innifalið í þinggjaldi er hádegismatur á laugardegi og sunnudegi, kaffiveitingar auk þinggagna. Tekið verður á móti greiðslu þinggjalda til kl. 10:30 á sunnudegi.
Fundarstaður Formleg þingstörf fara fram í Menntaskóla Borgafjarðar, Borgarbraut 54 í Borgarnesi.
Hátíðarkvöldverður Hátíðarkvöldverður á laugardegi fer fram í Félagsbæ, Borgarbraut 4. Boðið verður upp á hlaðborð frá Hvíta bænum Hamri, skemmtiatriði og lifandi tónlist fram eftir kvöldi. Miði í hátíðarkvöldverð kostar 2.900 kr. fyrir þá sem greitt hafa þinggjöld en annars 3.900 kr.
Seturéttur á þinginu Allir ungir framsóknarmenn hafa rétt til setu á þinginu. Þeir sem skráðir eru í Framsóknarflokkinn kl. 10:00 laugardaginn 18. september á aldrinum 16 til 35 ára og hafa greitt þinggjöld hafa atkvæðarétt á þinginu.
Framboðsfrestur Samkvæmt grein 4.5 í lögum SUF skal framboðum til formanns skila til skrifstofu Framsóknarflokksins eigi síðar en viku fyrir setningu sambandsþings eða fyrir kl. 10:00 laugardaginn 18. september. Þeir sem hafa áhuga á að bjóða sig fram í stjórn SUF er bent á að hafa samband við þá einstaklinga sem skipa starfsnefnd þingsins eða á netfangið suf@suf.is
Lagabreytingatillögur Samkvæmt grein 6.4 í lögum SUF skal tillögum að lagabreytingum skilað eigi síðar en 14 dögum fyrir setningu þings sambandsins eða fyrir kl. 10:00 laugardaginn 11. september. Tillögum skal skilað á netfangið suf@suf.is
Málefnastarf SUF-arar hvattir til þess að skila inn tillögum að ályktunum, formlegum og óformlegum sem fyrst á netfangið suf@suf.is. Þær tillögur sem liggja fyrir kl. 12:00 föstudaginn 17. september verða prentaðar með öðrum þinggögnum. Tillögurnar verða ræddar í þeim sex málefnahópum sem starfandi eru á þinginu.
Hópefli Klukkan 16:00 á laugardegi er gert ráð fyrir að hittast í Íþróttamiðstöðinni Borgarnesi, fara í bandý, þétta raðirnar og skreppa í sund. Íþróttamiðstöðinni lokar kl. 18:00 og fá þinggestir tíma í kjölfarið til þess að undirbúa sig fyrir kokteil í boði þingmanna Framsóknarflokksins og kvöldverð sem hefst kl. 19. Æskilegt er að mæta með íþrótta- og sundföt í hópeflið. Einnig er gott að mæta með spariföt fyrir kvöldverðin.
Gisting Í Borgarnesi má finna fjölbreytta gistimöguleika. Eftirfarandi staðir bjóða upp á afslátt þinghelgina sé tekið fram við bókun að um sé að ræða pöntun vegna sambandsþings SUF.
Borgarnes Youth Hostel Farfuglaheimilið í Borgarnesi er staðsett í gömlu bæjarskrifstofunum í gamla miðbænum. Húsnæðið hefur verið endurbætt og hýsir nú gististað. Svefnpokapláss kr. 3.300 (kr. 2.500 fyrir félaga í Yout Hostel) 2. m. herbergi kr. 9.400 (kr. 4.700 á mann) Ýmsir aðrir möguleikar sem eigandi hostelsins getur útvegað t.d. íbúð í Borgarnesi með öllu fyrir fjóra eina nótt á kr. 15.000. Bókanir í síma: 434-1566 / 842-5866 eða á borgarnesbb@internet.is Heimasíða: http://www.hostel.is/extern.asp?cat_id=730
Ferðaþjónusta bænda Bjargi, Borgarnesi Bjarg er gamall bóndabær í útjaðri Borgarness, þar hafa gömul útihús verið innréttuð sem gistihús. Gisting er í séríbúð fyrir allt að 4 með eldunaraðstöðu og baði og einnig í íbúð með 3 herbergjum; 1 x 2ja manna og 2 x 4ra manna herbergjum með sameiginlegri eldunaraðstöðu og baði. Eins manns herbergi með baði og morgunverð kr. 6.500 Tveggja manna herbergi með baði og morgunverð kr. 10.500 (5.250 á mann) Eins manns herbergi með sameiginlegu baði, með morgunverð kr. 5.400 Tveggja manna herbergi með sameiginlegu baði, með morgunverð kr. 8.700 (4.350 á mann) Bókanir í síma: 437 1925 / 864 1325 eða á bjarg@simnet.is Heimasíða: http://www.sveit.is/FarmDetails.aspx?No=95
Borgarnes Bed & Breakfast Borgarnes Bed & Breakfast er staðsett við sjávarsíðuna í miðbæ Borgarnes. Gistiheimilið hefur upp á að bjóða fjögur tveggja manna herbergi með tveimur sameiginlegum baðherbergjum með sturtu. Eins manns herbergi með morgunverði kr. 6.700. Tveggja manna með morgunverði kr. 8.900. Þriggja manna með morgunverði kr.11.800. Aukarúm og morgunverður kr. 2.400. Heimasíða: http://www.borgarnesbb.is
Að undanförnu hefur landsstjórn verið að undirbúa vinnu vegna endurskoðunar á flokksstarfi og skipulagi flokksins í samræmi við ályktanir miðstjórnar og tillögu Landssambands framsóknarkvenna þess efnis.
Á fundi landsstjórnar 1. júní s.l. var samþykkt tillaga um að skipuð yrði skipulagsnefnd til að halda utan um endurskoðunina og undirbúa samvinnufund allra framsóknarmanna samhliða haustfundi miðstjórnar. Skipulagsnefndin skal hvetja sérstaklega til umræðu um flokksstarfið á kjördæmisþingum og að framsóknarfélög undirbúi vel málefnavinnuna. Niðurstaða samvinnufundarins, skýrsla skipulagsnefndarinnar og tillögur verða svo lagðar fyrir flokksþing eftir áramót til umræðu og afgreiðslu.
Skipulagsnefndin er skipuð 6 fulltrúum kjördæmanna, 2 fulltrúum sérsambandanna (SUF og LFK), 1 fulltrúa frá launþegaráði, 1 fulltrúa frá sveitastjórnaráði og 1 fulltrúa landsstjórnar sem er jafnframt formaður. Nefndin mun svo skipta frekar með sér verkum og ljúka starfi á flokksþingi 2011.
Formaður skipaður af landsstjórn: Guðmundur Elíasson.
Aðrar tilnefningar eru: Reykjavík: Sigurður Hannesson og Valgerður Sveinsdóttir. Norðvestur: Ingi Björn Árnason. Norðaustur: Jóhanna Guðmundsdóttir. Suður: Agnes Lára Magnúsdóttir. Suðvestur: Una María Óskarsdóttir. SUF: Sigurjón Kjærnested. LFK: Anna Kolbrún Árnadóttir. Launþegaráð: Guðmundur Gylfi Guðmundsson. Sveitastjórnarráð: Elín Líndal.
Endurskoðun á flokksstarfi Framsóknarflokksins Fyrir landsstjórn voru lagðar fram þrjár tillögur um endurskoðun flokksstarfs, skipulag og verklag.
Tillaga 1 miðstjórn: „Miðstjórn Framsóknarflokksins samþykkir að fela Landsstjórn flokksins að skipa starfshóp til að yfirfara skipulag flokksins og koma með tillögur fyrir næsta reglulega flokksþing. Í hópnum eigi sæti fulltrúar kjördæmanna, sérsambanda og landsstjórnar, sem jafnframt er formaður."
Tillaga 2 miðstjórn: „Miðstjórn Framsóknarflokksins samþykkir að skipa nefnd til að endurskoða skipulag og lög flokksins og setja verklagsreglur um flokksstarfið. Nefndin skili landsstjórn skýrslu um störf sín og kynnir drög að lögum og verklagsreglum á kjördæmisþingum haustið 2010. Miðstjórn ræði drögin á haustfundi og verða síðan lögð fyrir flokksþing 2011. Tillögunni var vísað til landsstjórnar til frekari afgreiðslu."
Tillaga 3 LFK: „...hið fyrsta verði boðað til fundar með „þjóðarfundarfyrirkomulagi". Þangað verði boðið öllu Framsóknarfólki og öðrum þeim sem áhuga hafa á málefnum lands og þjóðar. Til þess að endurreisa megi íslenskt samfélag á traustum grunni þarf Framsókn að hefja verkið í sínum röðum. Sátt þarf að ríkja innan flokksins um starfið, flokkinn og fólkið í heild sinni. Til að skapa slíka sátt er mikilvægt að okkar mati að skerpa á vinnubrögðum og treysta grunnstoðir og starfsemi flokksins."
Afgreiðsla landsstjórnar um framkvæmd á endurskoðun á flokksstarfi:
11 manna skipulagsnefnd: Skipuð verður skipulagsnefnd sem í eiga sæti fulltrúar kjördæmanna (6), sérsambanda (2), launþegaráðs (1), sveitastjórnarráðs (1) og landsstjórnar (1) sem jafnframt er formaður. Nefndin skal taka til starfa 15. ágúst 2010 í síðasta lagi og ljúka starfi á flokksþingi 2011.
Hlutverk nefndarinnar skal vera fjórþætt:
Nefndin hafi það hlutverk að undirbúa og standa að samvinnufundi framsóknarmanna um skipulag og starf flokksins. Á samvinnufundinum skal leitast við að kalla eftir meginsjónarmiðum og áherslum framsóknarmanna um starf og skipulag flokksins, og lögum flokksins.
Nefndin skal vinna úr upplýsingum sem koma fram á samvinnufundinum og vinna úr þeim skýrslu og/eða tillögur sem lagðar verða fram á flokksþingi 2011.
Nefndin skal jafnframt annast söfnun og úrvinnslu fyrirliggjandi gagna og upplýsinga um flokksstarf og skipulag sem geta nýst flokksþingi.
Nefndin skal kynna starf sitt og samvinnufund á kjördæmisþingum haustið 2010. Á þingunum skal nefndin hvetja til umræðu um starf, skipulag og lög flokksins með virkri hópavinnu til undirbúnings fyrir samvinnufundinn.
Samvinnufundur framsóknarmanna Halda skal samvinnufund framsóknarmanna tímanlega fyrir flokksþing 2011, samhliða haustfundi miðstjórnar. Allir flokksbundnir framsóknarmenn sem skráðir eru í flokkinn fyrir 1. september 2010 geta tekið þátt í starfi fundarins og skal hópastarf endurspegla lög og skipulag flokksins. Við skipulag fundarins skal horfa til fyrirkomulags þjóðfundarins og/eða íbúaþinga, þar sem málefnavinna fer fram í minni hópum til að tryggja þátttöku og aðkomu sem flestra framsóknarmanna að hugmyndavinnunni. Á samvinnufundinum skal leitast við að kalla eftir meginsjónarmiðum og áherslum framsóknarmanna á stjórnskipulagi og starfi Framsóknarflokksins í framtíð, nútíð og fortíð.
Flokksþing 2011 Á flokksþingi 2011 verður lögð fram skýrsla skipulagsnefndar og tillögur nefndarinnar og samvinnufundarins um stjórn og skipulag flokksins, þ.m.t. drög að nauðsynlegum lagabreytingum og verklagsreglum.
