„þingflokkur framsóknarmanna flutti tillögu um að rannsaka einkavæðinguna og einnig síðari einkavæðingu líka ásamt fleiru. Við munum að sjálfsögðu endurflytja þá tillögu því að við viljum láta rannsaka þetta ferli allt saman, allt ferlið frá A til Ö fram á daginn í dag, fram á þessa mínútu og það skal verða gert“

http://www.althingi.is/altext/raeda/140/rad20120131T133955.html

Sigurður Ingi Jóhannesson velti fyrir sér hvernig ríkistjórnin gæti starfað betur

„Staðreyndin er sú að ríkisstjórnin er minnihlutastjórn en í hinu margfræga og margumtalaða norræna velferðarmódeli eru það einmitt minnihlutastjórnir sem ganga til liðs og tala við stjórnarandstöðuna og reyna að fá 70–80% þingheims og þjóðar á bak við stór mál, eins og til dæmis rammaáætlun. Þess vegna er ekkert því til fyrirstöðu að ríkisstjórnin geri það.“

Gunnar Bragi og Birkir Jón ræddu um verð á eldsneyti

„við þurfum að grípa til aðgerða er létta á þeim sem nota eldsneyti. Það er augljóst að kostnaðurinn er mjög íþyngjandi og þá kemur að því sem ég ætlaði aðallega að ræða hér, heimilunum. Aukinn kostnaður við rekstur bifreiða íþyngir heimilunum mikið, mismunandi þó eftir heimilum.“

„Gleymum því ekki að við höfum fengið tölur um að um 60 þús. heimili séu með neikvætt eigið fé, að 50% heimilanna eigi jafnvel erfitt með að ná endum saman. Á þessu verður að vinna.“

http://www.althingi.is/altext/raeda/140/rad20120201T150801.html

http://www.althingi.is/altext/raeda/140/rad20120201T152601.html

Vigdís Hauksdóttir tók til máls um vald ríkistjórnarinnar.

„Ríkisstjórnarflokkarnir tala á þann hátt að það sé allt einhverjum öðrum að kenna. Þeir finna upp lausnirnar hér frá degi til dags en fatta ekki sjálfir að þeir eru búnir að stjórna í þrjú ár. Valdið er þeirra.“

„Ef þeir vilja lækka verðbólgu, afnema verðtryggingu, afnema vísitölu á lán og lækka skuldir landsmanna er það í þeirra valdi. Þeir koma alltaf fram eins og hvítskúraðir englar og skilja ekkert af hverju gengur svona illa.“

http://www.althingi.is/altext/raeda/140/rad20120201T152832.html

Eygló Harðardóttir velti upp þeirri spurningu af hverju konur fái minni yfirvinnu en karlmenn skv. kjararáði.

„Þegar skoðaðar eru upplýsingar almennt um launakjör karla og kvenna sem kjararáð ákveður kemur þar ítrekað fram að konur virðast þurfa að vinna minni yfirvinnu, jafnvel í störfum þar sem krafist er meiri ábyrgðar, þar sem þær fara með meiri veltu og fleira starfsfólk.“

http://www.althingi.is/altext/raeda/140/rad20120131T135842.html

Eygló Harðardóttir spurðist fyrir um fjar og dreifinám

„Ég tel að það sé mjög brýnt að við höldum vel utan um þessa tegund af námi. Það sem hefur verið að gerast og er mjög áhugavert að sjá í kreppu þegar minni fjármunir hafa verið innan skólanna og kom fram á fundi með menntavísindasviði Háskóla Íslands er að þróunin hefur verið sú að við það að þurfa að draga saman raunar allt nám er ekki lengur boðið upp á staðbundið nám þar heldur er allt nám meira eða minna fjar- og dreifnám.“

Höskuldur tók einnig til máls í þeirri umræðu

„Þetta þýðir að krakkar sem annars hefðu þurft að flytja í burtu og fara í heimavistarskóla hafa getað búið heima hjá sér nokkur ár í viðbót. Fyrir lítil þorp, þaðan sem fólk flytur gjarnan og kemur þá ekki aftur, skiptir þetta gríðarlega miklu máli. Ég hvet því hæstv. menntamálaráðherra að halda áfram á þessari braut því að ég veit að þetta hefur virkað vel annars staðar líka — sem og hæstv. fyrirspyrjanda að halda þessu málefni á lofti.“

Höskuldur Þórhallsson spurðist fyrir um þróun þyngdar hjá börnum og unglingum

„Ég vil taka sérstaklega fram að þessi fyrirspurn mín er ekki sett fram undir neikvæðum formerkjum. Hún er frekar sett fram til að við breytum því viðhorfi sem hefur verið hér gagnvart lýðheilsumálum, að við leggjum meiri áherslu á heilbrigt líferni.“

http://www.althingi.is/altext/raeda/140/rad20120130T172652.html

Höskuldur Þórhallsson spurðist fyrir um Sykurneyslu barna og unglinga

Höskuldur benti ráðherra á að ekki fæst uppgefið hverjir það eru sem flytja sykur inn til landsins.

Svar ráðherra: Varðandi fyrirspurn hv. þingmanns um hvers vegna ekki er gefið upp hverjir flytja inn sykur verð ég að viðurkenna að ég er ekki undirbúinn fyrir þá spurningu og hef ekki heyrt af þeirri umræðu, en það er full ástæða til þess að kanna það.

http://www.althingi.is/altext/140/01/l30173150.sgml

Höskuldur Þórhallsson spurðist fyrir um tannskemmdir hjá börnum og unglingum

„Það þarf ekki bara að taka upp samningana og klára þá og leysa þær deilur sem hafa verið milli lækna og Tryggingastofnunar í mörg ár, það þarf líka að efla upplýsingamiðlunina. Við þurfum að fara í átak, hvorki meira né minna, sem gerir það að verkum að við stöndum framar öðrum Norðurlandaþjóðum en ekki að baki eins og hvað þetta varðar.“

http://www.althingi.is/altext/raeda/140/rad20120130T175649.html

Sigurður Ingi tók einnig þátt í umræðunni um tannheilsu barna og unglinga

„ef við ætluðum að hafa tannheilsuna ókeypis fyrir fólk eins og hverja aðra þætti í heilbrigðisgeiranum og mundum þannig tryggja jafnræði allra þyrfti að hækka skatta um 0,85% til að standa undir þeim u.þ.b. 7 milljarða útgjöldum“

http://www.althingi.is/altext/raeda/140/rad20120130T175529.html

Höskuldur Þórhallsson spurðist fyrir um neyslu barna og unglinga á svokölluðum orkudrykkjum

„Umræða sem gott er að koma af stað og ættum að taka forystu í þessu máli á norðurlöndunum“

http://www.althingi.is/altext/140/01/l30180056.sgml

Höskuldur Þórhallsson spurðist fyrir um fíkniefnaneyslu ungmenna og forvarnir

„Það vakti athygli mína núna í fjárlagagerðinni að Hagstofan, sem hefur birt árlega tölur um sölu og neyslu áfengis, hefur hætt að safna upplýsingum um áfengissölu sökum niðurskurðar á útgjöldum“

„Ég verð að segja fyrir mína parta að það var ekki jákvætt að þessari upplýsingaöflun skyldi vera hætt. Mér fannst menn gera hálfpartinn lítið úr mikilvægi þess að halda henni til streitu.“

http://www.althingi.is/altext/140/01/l30181345.sgml

Eygló Harðardóttir spurðist fyrir um húsnæðisstefnuríkisvaldsins

„Við þurfum að sjá til þess að ungt fólk sem er að koma úr námi, kaupa sína fyrstu eign eða koma sér upp sínu fyrsta heimili — maður er orðinn svo vanur því að tala um eign að maður festist nánast í því orðalagi, sýnir kannski hve sterk þessi séreignarstefna hefur verið hér á Íslandi — hafi í framtíðinni raunverulegt val um öruggt húsnæði. Það er lykilatriði, ekki hvort það er séreign, leiga eða búseturéttur.“

http://www.althingi.is/altext/raeda/140/rad20120131T135353.html

Ásmundur Einar Daðason ræddi um bann á veiðum á svartfugl.

Niðurstaðan varð sú að ráðast þyrfti í allsherjarfriðun á þessum tegundum þvert gegn rannsóknum, þvert gegn því sem fyrir liggur af gögnum og upplýsingum og ráðast þyrfti í framtíðarbreytingar á uppbyggingu þess málaflokks er snýr að þeim sem hafa nýtt hlunnindi landsins.

http://www.althingi.is/altext/raeda/140/rad20120201T152315.html

Sérstök umræða um skuldasstöðu heimila og fyrirtækja við forsætisráðherra.

Sigmundur Davíð Gunnlaugsson

„[það]er mjög sérkennilegt að því sé haldið fram að svigrúm til niðurfærslu lána sé uppurið þar sem svo mikill kostnaður hafi fallið til vegna gengisbundinna lána sem dæmd voru ólögmæt. Með öðrum orðum er verið að segja að það svigrúm sem átti að vera til staðar til að færa niður lán heimilanna, verðtryggð lán ekki hvað síst, hafi allt farið í að bera tjón af því að gengisbundnu lánin voru dæmd ólögmæt.“

Ef ríkisstjórnin segir að leiðrétting lána muni setja Ísland í þrot þá hefðu Icesave-samningarnir svo sannarlega gert það.

http://www.althingi.is/altext/raeda/140/rad20120126T111115.html

Gunnar Bragi Sveinsson

„Enn og aftur virðist forsætisráðherra ekki vera í nokkrum einustu tengslum við það sem er að gerast úti í samfélaginu eða við fólkið í landinu. Þegar ráðherrann kemur hér upp og heldur því fram að þetta sé ekkert vandamál, að búið sé að gera svo mikið fyrir heimilin í landinu að það þurfi varla að gera nokkuð meira. „

„Hæstv. forsætisráðherra hefur í meira en aldarfjórðung talað um að afnema þurfi verðtryggingu. Af hverju hefur hæstv. forsætisráðherra þá ekki gert það þegar hún hafði gott færi til þess að gera það? Hvers vegna hefur hæstv. ráðherra ekki afnumið verðtrygginguna?“

„Það eru til leiðir eins og þingmenn hafa margoft bent á í þessum ræðustól og í tillögum. Það er ríkisstjórnin sem vill ekki laga lán heimilanna og enn síður lán fyrirtækjanna. Það höfum við margséð. „

http://www.althingi.is/altext/raeda/140/rad20120126T113018.html

Sigmundur Davíð Gunnlaugsson

„Ég hef reyndar verulegar áhyggjur af því hversu rík afneitun er enn til staðar hjá hæstv. forsætisráðherra varðandi stöðu heimilanna“

http://www.althingi.is/altext/raeda/140/rad20120126T113931.html

Nýtt frumvarp um Ríkisútvarpið.

Siv Friðleifsdóttir

„Af þessu tilefni vara ég alveg sérstaklega við því ef við hér á Íslandi hefjum núna átök enn á ný um RÚV. Er ekki tími til kominn að þessi stofnun fái frið til að sinna því góða starfi sem hún hefur verið að sinna upp á síðkastið? Ég vil líka segja að ef löggjöf á Norðurlöndunum er skoðuð er ekki verið að auka pólitísk afskipti af fjölmiðlum þar. Þar er ákveðin fjarlægð á milli ríkisins og ríkisfjölmiðils. Ef við ætlum núna að fara að taka upp þetta gamla úrelta Ísland, gamla útvarpsráðið sem var með puttana í fréttaflutningi o.s.frv., segi ég nei takk.“

http://www.althingi.is/altext/raeda/140/rad20120130T152859.html

Sérstök umræða um skýrslu Norðmanna um EES

Ásmundur Einar Daðason

„Noregur er ekki að fara að ganga í ESB. Noregur held ég að sé ekki heldur að fara að segja upp EES-samningnum, en fullveldisafsalið er áhyggjuefni og það væri óskandi að við ættum utanríkisráðherra sem hefði núna samband við kollega sína í Noregi og óskaði eftir samstarfi í því að endurskoða EES-samninginn. Staðreyndin er sú að ef Norðmenn færu fram með þá kröfu að endurskoða EES-samninginn mundi Evrópusambandið hlusta. Vegna hvers? Vegna þess að Noregur er gríðarlega stórt og öflugt ríki og Evrópusambandið sjálft á mikla hagsmuni undir því að eiga góð viðskipti við Noreg. Það er ekki bara öfugt.“

http://www.althingi.is/altext/raeda/140/rad20120130T154718.html

Vigdís Hauksdóttir

„Ég hef orðið vitni að því hvernig þessi mál eru afgreidd í gegnum þingið. Á nefndasviði er sagt: Æ, þetta er EES-tilskipun, við skulum láta hana rúlla í gegn. Því hef ég mótmælt. Ég hef verið talsmaður þess að styrkja þingið, að vinnan sé betur unnin og undirbyggð þannig að við byggjum löggjöf okkar á almennilegum reglugerðum og tilskipunum. Ég minni jafnframt á, frú forseti, að við höfum neitunarvald gagnvart EES sem íslenskir þingmenn hafa hingað til ekki sýnt kjark til að nota, ólíkt norskum þingmönnum í umræðu um pósttilskipunina þar í landi.“

http://www.althingi.is/altext/raeda/140/rad20120130T160006.html

Birgir Þórarinsson

Laugardagsfundur Framsóknar í Reykjanesbæ verður haldinn laugardaginn 4. febrúar í félagsheimili Framsóknar að Hafnargötu 62 í Reykjanesbæ kl. 10:30 og lýkur kl. 12:00.

Birgir Þórarinsson er sérfræðingar í alþjóðasamskiptum. Hann er 46 ára og hefur sinnt ýmsum störfum á liðnum árum m.a. hjá SPRON, verið bæjarfulltrúi í Vogum, hjá slökkviliði Keflavíkurflugvallar og lögreglustjóranum á Suðurnesjum. Birgir er kvæntur Önnu Rut Sverrisdóttur, yfirljósmóður á Heilbrigðisstofnun Suðurnesja og þau eiga þrjá drengi. Þau eru búsett á bænum Minna-Knarrarnesi á Vatnsleysuströnd þar sem hann hefur verið frístundabóndi. Birgir er fyrrverandi formaður KSFS, kjördæmissambands framsóknarfélaganna í Suðurkjördæmi.

Birgir er með BA-próf í guðfræði frá Háskóla Íslands, próf í opinberri sjórnsýslu og stjórnun frá EHÍ og meistarapróf í alþjóðasamskiptum og utanríkisþjónustu frá American University í Washington D.C. Jafnframt hefur hann próf í hagsmunagæslu og alþjóðlegri samningatækni frá Public Affairs and Advocacy Institute og Intercultural Management Institute í Washington D.C.

Á laugardagsfundinum verður í boði kaffi og vínarbrauð gegn vægu gjaldi.

FRAMSÓKN Í REYKJANESBÆ

Við upphaf ársins 2012 er ástæða til að vera bjartsýnn og horfa til þeirra tækifæra sem við blasa. Það er því verulegt áhyggjuefni að á sama tíma hefur ríkisstjórnin vegið að helstu grunnstoðum samfélagsins og hvert tækifæri nýtt til að ala á sundrungu og tortryggni í stað þess að nýta það sem sameinar þjóðina sem grundvöll til að byggja á, en sá grundvöllur hefur verið óvenju sterkur á Íslandi. Án endalausra pólitískra hindrana væri búið að bæta kjör og skapa þúsundir starfa á Íslandi.

Ástandið er fullkomlega óásættanlegt. Enn má þó nýta kosti Íslands til að byggja upp atvinnu þótt aðstæður verði erfiðari með tímanum vegna þróunarinnar í Evrópu. Til að breyta stöðunni er þetta mikilvægast: Tryggjum sjávarútveginum varanleg rekstrarskilyrði. Einföldum skattumhverfi fyrirtækja og hvetjum þannig til aukinnar fjárfestingar, lækkum tryggingargjald á íslenskt atvinnulíf og hvetjum til fjölgunar starfa. Hefjum framkvæmdir og nýtum orkuauðlindir þjóðarinnar og bjóðum innlenda sem erlenda fjárfesta velkomna til slíkra verka. Hefjum metnaðarfullt átak í samgöngumálum.

Framsóknarmenn hafa ítrekað lagt fram á Alþingi nákvæmar tillögur í efnahags- og atvinnumálum sem lesa má nánar um á www.planb.is. En „velferðarstjórnin" hefur lokað augunum fyrir þeim tillögum og hefur raunar rekið eina ráðherrann sem leyfði sér að taka jákvætt undir þær í umræðum á Alþingi. Vonandi kemur sá dagur að breyting verður á stefnunni og hægt verður að framkvæma þær tillögur.

Horfum fram á við og snúum vörn í sókn.

Þingmenn FRAMSÓKNAR með opna stjórnmálafundi:

Sunnudaginn 5. febrúar á Blönduósi í Eyvindarstofu og hefst kl. 20.
Gunnar Bragi Sveinsson og Ásmundur Einar

Mánudaginn 6. febrúar á Skagaströnd í Bjarmanesi og hefst kl. 12.
Gunnar Bragi Sveinsson og Ásmundur Einar

Mánudaginn 6. febrúar á Djúpavogi á Hótel Framtíð og hefst kl. 12.
Birkir Jón og Höskuldur Þór

Mánudaginn 6. febrúar á Kirkjubæjarklaustri á Hótel Laka, Efri-Vík og hefst kl. 20.30.
Sigurður Ingi og Eygló Þóra

Þriðjudaginn 7. febrúar í Vík í Mýrdal á Ströndinni og hefst kl. 12.
Sigurður Ingi og Eygló Þóra

Þriðjudaginn 7. febrúar á Egilsstöðum í Austrasalnum og hefst kl. 20.
Birkir Jón og Höskuldur Þór

Nýtið tækifærið og komið skoðunum ykkar á þjóðmálunum beint til þingmanna!

Vonumst til að sjá sem flesta, allir velkomnir!

ÞINGFLOKKUR FRAMSÓKNARMANNA

Framsóknarfélag Reykjavíkur boðar til fundar þriðjudaginn 31. janúar kl. 12 á Grand Hótel, undir yfirskriftinni: „Rjúfum kyrrstöðuna".

Frummælandi:Birkir Jón Jónsson, varaformaður Framsóknarflokksins.

Súpa og brauð í boði á aðeins kr. 1.200,-

Sýnum samstöðu og dug í Framsókn. Fjölmennum.

Sigrún Magnúsdóttir,
formaður FR

Að þessu sinni verður Jón Kristjánsson fyrrv. ráðherra og alþingismaður gestabakari og bakar vöfflur að austfirskum hætti. Allir Austfirðingar sem geta við því komið eru hvattir til að mæta á Hverfisgötuna, taka með sér gesti og spjalla við bakarann.

Allir alltaf velkomnir!

FRAMSÓKNARFLOKKURINN

Snemma í morgun bárust þær gleðifregnir að Önnu Sigurlaugu Pálsdóttur og Sigmundi Davíð Gunnlaugssyni væri fædd dóttir og er hún 14 merkur og 50 cm. Er þetta fyrsta barn þeirra hjóna og eru bæði foreldrar og barn hraust og glöð.

Framsóknarmenn senda þeim Önnu Stellu og Sigmundi Davíð hjartanlegar hamingjuóskir og óska fjölskyldunni alls hins besta í framtíðinni.

Jafnframt er vakin athygli á því að á síðasta flokksþingi Framsóknarmanna var lögum flokksins breytt þannig að öll félög og fulltrúaráð skulu nú halda aðalfundi fyrir 15. maí ár hvert. Breytingin skal tryggja að félögin skili uppgjörum sínum á réttum tíma.

Virðingarfyllst,
Hrólfur Ölvisson
framkvæmdastjóri Framsóknarflokksins

Atli Ásmundsson aðalræðismaður Íslands í Winnipeg hélt erindi á laugardagsspjalli í Framsóknarhúsinu í Reykjavík þann 10. desember s.l. um vestur Íslendinga í Kanada. Talaði hann um samskiptin við Vestur-Íslendinga, sögu, menningu og nútíma.

Hér má nálgast slóð á YouTube er hefur að geyma erindið.

Kvikmyndataka var í höndum Guðna Þorbjörnssonar og Guðbergs Bergssonar. Klipping og eftirvinnsla var í höndum ARTPRO ehf. / Guðni Þorbjörnsson.

Laugardagur 11. febrúar
11.00 - Skráning og afhending þinggagna
12.00 - Þingsetning
Kosning þingforseta (2)
Kosning þingritara (2)
Kosning starfsnefndar (3)

12.10 - Skýrsla stjórnar og reikningar
12.30 - Málefnahópar kynntir
12.40 - Málefnahópar taka til starf
Hópur 1 - Stjórnskipun, mannréttindi, lýðræði og utanríkismál
Hópur 2 - Efnahagsmál
Hópur 3 - Atvinna, samgöngur og umhverfi
Hópur 4 - Menntun, menning og íþróttir
Hópur 5 - Velferð
Hópur 6 - Lagabreytingar og aðrar tillögur

17.00 - Sundferð
19.00 - Fordrykkur
20.00 - Hátíðarkvöldverður og skemmtun fram eftir kvöldi

Sunnudagur 12. febrúar
09.00 - Málefnahópar, framhald
10.00 - Afgreiðsla mála
12.30 - Hádegismatur
13.15 - Kosningar:
Formaður
Stjórn (12)
Varastjórn (12)
Skoðunarmenn reikninga (2)
Varaskoðunarmenn reikninga (2)

15.30 - Þingslit

Gagnlegar upplýsingar:

Þinggjöld
Þinggjald er 1.000 kr. innifalið í þinggjaldi er kaffi og með því á laugardegi og hádegismatur á sunnudegi, auk þinggagna. Tekið verður á móti greiðslu þinggjalda til kl. 10.30 á sunnudegi.

Fundarstaður
Formleg þingstörf fara fram í Menntaskólanum á Egilsstöðum við Tjarnarbraut.

Hátíðarkvöldverður
Hátíðarkvöldverður á laugardegi kostar kr. 3.000,-

Seturéttur á þinginu
Allir ungir framsóknarmenn hafa rétt til setu á þinginu. Þeir sem skráðir eru í Framsóknarflokkinn fyrir laugardaginn 14. janúar 2012 á aldrinum 16 til 35 ára og hafa greitt þinggjöld hafa atkvæðarétt á þinginu.

Framboðsfrestur
Samkvæmt grein 4.5 í lögum SUF skal framboðum til formanns skila til skrifstofu Framsóknarflokksins eigi síðar en viku fyrir setningu sambandsþings eða fyrir laugardaginn 4. febrúar. Þeir sem hafa áhuga á að bjóða sig fram í stjórn SUF er bent á að hafa samband við þá einstaklinga sem skipa starfsnefnd þingsins eða á netfangið suf@suf.is.

Lagabreytingatillögur
Samkvæmt grein 6.4 í lögum SUF skal tillögum að lagabreytingum skilað eigi síðar en 14 dögum fyrir setningu þings sambandsins eða fyrir laugardaginn 28. janúar. Tillögum skal skilað á netfangið suf@suf.is.

Málefnastarf
SUF-arar hvattir til þess að skila inn tillögum að ályktunum sem fyrst á netfangið suf@suf.is. Þær tillögur sem liggja fyrir laugardaginn 4. febrúar verða prentaðar með öðrum þinggögnum. Tillögurnar verða ræddar í þeim sex málefnahópum sem starfandi eru á þinginu.

Hópefli
Á laugardeginum kl. 17:00 verður skundað í sund í sundlauginni á Egilsstöðum, æskilegt er því að taka með með sundföt.

Gisting
Eftirfarandi gistirstaðir bjóða upp á afslátt þinghelgina:

Lyngás Guesthouse
Tveggjamanna herbergi 4.000 kr. á mann. - http://lyngas.is/

Hótel Hérað
Þorratilboð hótels Héraðs er tvær nætur á verði einnar. - http://icelandairhotels.is/


STJÓRN SUF