Flokksþing Framsóknar verður 14.-15. febrúar 2026 á Hilton Reykjavík Nordica.
Skráning á þingið
Almennt um flokksþing
Framsókn heldur reglulegt flokksþing eigi sjaldnar en annað hvert ár og skal það að jafnaði haldið fyrri hluta árs. Flokksþing Framsóknarmanna ákveður meginstefnu flokksins í landsmálum, setur flokknum lög og hefur æðsta vald í málefnum hans.
Á flokksþingi skal kjósa formann Framsóknarflokksins og skal hann jafnframt vera formaður miðstjórnar flokksins. Þá skal á flokksþingi kjósa varaformann, ritara og tvo skoðunarmenn reikninga. Einnig skal kjósa tvo meðstjórnendur í laganefnd og tvo til vara. Ennfremur skal kjósa tvo meðstjórnendur siðanefndar og tvo til vara.
Hvert flokksfélag hefur rétt til að senda einn fulltrúa með atkvæðisrétt á flokksþing fyrir hverja 15 félagsmenn eða brot úr þeirri tölu. Jafnmargir varamenn skulu kjörnir. Fulltrúatala skal miðast við félagatal eins og það liggur fyrir á skrifstofu flokksins 30 dögum fyrir flokksþing. Um fyrirkomulag kosninga fulltrúa fer eftir lögum einstakra aðildarfélaga. Aðildarfélög skulu tilkynna val sitt á fulltrúum á flokksþing til skrifstofu flokksins eigi síðar en viku áður en flokksþing er sett.
Miðstjórnarmenn eiga sæti á flokksþingi með atkvæðisrétti.
Málefnavinna
Málefnanefnd hefur lokið við að uppfæra stefnu Framsóknar frá síðasta flokksþingi. Nefndin hefur endurraðað ályktununum, umorðað og bætt við nýjum ályktunum. Hóparnir á flokksþinginu munu vera að mestu leiti samsvarandi þingnefndum Alþingis.
AMN: Allsherjar- og menntamálanefnd
ATV: Atvinnuveganefnd
VEL: Velferðarnefnd
UMSAM: Umhverfis- og samgöngunefnd
STJ: Stjórnskipunarnefnd
UTN: Utanríkismálanefnd
EHN: Efnahagsnefnd
Í málefnamöppunni er búið að skipta málaflokkunum, innan nefndanna, niður til að gera yfirferð þægilegri.
Hér má finna málefnamöppuna:
Við óskum eftir nýjum ályktunum og breytingartillögum frá framsóknarfélögum. Hægt er að senda inn tillögur til miðnættis 10. febrúar.
Dagskrá
Laugardagur 14. febrúar
08:30 – Skráning, afhending þinggagna.
10:00 – Þingsetning.
10:10 – Kosning þingforseta, þingritara, kjörbréfanefndar, kjörstjórnar, samræmingarnefndar og dagskrárnefndar.
10:15 – Skýrsla ritara.
10:30 – Mál lögð fyrir þingið.
10:40 – Nefndastörf hefjast.
12:30 – Hádegishlé.
13:00 – Yfirlitsræða formanns.
13:30 – Almennar umræður.
16:00 – Nefndastörf.
20:00 – Hátíðarkvöldverður.
Sunnudagur 15. febrúar
08:30 – Skráning og afhending þinggagna.
09:00 – Nefndastörf.
10:30 – Afgreiðsla mála.
12:00 – Hádegishlé.
13:00 – Kosningar: Formaður, varaformaður, ritari, laganefnd, siðanefnd, skoðunarmenn reikninga og löggiltan endurskoðenda.
14:30 – Afgreiðsla mála, framhald.
17:00 – Þingslit.
