Brekka?

Föstudagur 24. október 2025 –

Brekka? Já! Þess vegna ætlar Framsókn á Akureyri að bjóða upp á klifurkynningu í nýrri og glæsilegri aðstöðu 600Klifur, föstudaginn 24. október kl. 17:30.

Þar verður farið yfir hvernig er hægt að styrkja sig og komast yfir örðugustu hjallana.

Ung í Framsókn bjóða svo upp á pílukast og afslappaða stemningu seinna um kvöldið – í Skor, Glerártorgi.

Framsókn á Akureyri

Aðalfundur Sambands eldri Framsóknarmanna – SEF

Mánudagur 27. október 2025 –

Aðalfundur Sambands eldri Framsóknarmanna (SEF) verður haldinn á TEAMS og í Framsóknarsalnum Bæjarlind 14 í Kópavogi mánudaginn 27. október 2025 og hefst hann kl. 19:30.

Drög að dagskrá:

1. Fundarsetning.
2. Tilnefning embættismanna fundarins: fundarstjóri og fundarritari.
3. Ársskýrsla stjórnar – Dagbjört Höskuldsdóttir, formaður.
4. Reikningar síðasta árs lagðir fram.
5. Umræður um skýrslu stjórnar og reikninga.
6. Afgreiðsla reikninga.
7. Lagabreytingar (ef þær liggja fyrir).
8. Kosningar:
   – Formaður.
   – Fjórir (4) meðstjórnendur.
   – Þrír (3) varastjórnarmenn.
   – Trúnaðarmannaráð:
   – Sex (6) aðalmenn (sbr. 1. ml. 2. mgr. 5. gr.)
   – Sex (6) varamenn (sbr. 2. ml. 2. mgr. 5. gr.)
   – Tveir (2) skoðunarmenn reikninga.
9. Björn Snæbjörnsson ræðir störf LEB, Landssambands eldri borgara.
10. Sigurður Ingi Jóhannsson ávarpar fundinn og ræðir starfið í flokknum.
11. Umræður og afgreiðsla ályktana sem lagðar hafa verið fram.
12. Önnur mál.
13. Fundarslit.

Skráning:

Þeir félagar sem vilja taka þátt í í fundinum sendi ósk um það á netfangið: framsokn@framsokn.is.

Á fundardegi, 27. október, fá þeir sem hafa óskað eftir því að sitja fundinn hlekk til að tengjast inn á fundinn.

Félagar hvattir til að taka þátt í okkar starfi og mæta á aðalfundinn.

Ef einhverjar spurningar vakna má hafa samband við  framsokn@framsokn.is eða hringja á skrifstofu Framsóknar í síma: 540-4300.

Með Framsóknarkveðju,
Stjórn SEF

Laugardagsfundur á Akureyri

Laugardagur 1. nóvember 2025 –

Höldum laugardagsfund í Fjölsmiðjunni 1. nóvember kl. 11:00. Það er engin skipulögð dagskrá, við ætlum bara að hittast og spjalla, fá okkur kaffi og njóta!

Minnum á að laugardagsfundir fyrsta laugardag hvers mánaðar í Fjölsmiðjunni kl. 11:00.

Hlökkum til að sjá ykkur!

Framsókn á Akureyri

38. Flokksþing Framsóknar

14.-15. febrúar 2026 –

38. Flokksþing Framsóknar verður haldið 14.-15. febrúar 2026 á Hilton Reykjavík Nordica í Reykjavík.

Framsókn heldur reglulegt flokksþing eigi sjaldnar en annað hvert ár og skal það að jafnaði haldið fyrri hluta árs. Flokksþing Framsóknarmanna ákveður meginstefnu flokksins í landsmálum, setur flokknum lög og hefur æðsta vald í málefnum hans.

Mikilvægar dagsetningar:

15. janúar – viðmiðunardagur fulltrúatölu aðildarfélaga.
30. janúar – lagabreytingum skal í síðasta lagi á miðnætti skilað inn til flokksskrifstofu.
7. febrúar – kjörbréfum skal í síðasta lagi á hádegi skilað inn til flokksskrifstofu.

Á flokksþingi skal kjósa formann Framsóknarflokksins og skal hann jafnframt vera formaður miðstjórnar flokksins. Þá skal á flokksþingi kjósa varaformann, ritara og tvo skoðunarmenn reikninga. Einnig skal kjósa tvo meðstjórnendur í laganefnd og tvo til vara. Ennfremur skal kjósa tvo meðstjórnendur siðanefndar og tvo til vara.

Hvert flokksfélag hefur rétt til að senda einn fulltrúa með atkvæðisrétt á flokksþing fyrir hverja 15 félagsmenn eða brot úr þeirri tölu. Jafnmargir varamenn skulu kjörnir. Fulltrúatala skal miðast við félagatal eins og það liggur fyrir á skrifstofu flokksins 30 dögum fyrir flokksþing. Um fyrirkomulag kosninga fulltrúa fer eftir lögum einstakra aðildarfélaga. Aðildarfélög skulu tilkynna val sitt á fulltrúum á flokksþing til skrifstofu flokksins eigi síðar en viku áður en flokksþing er sett.

Allir félagsmenn í flokknum hafa rétt til að sækja flokksþing og hafa þar málfrelsi og tillögurétt.

Miðstjórnarmenn eiga sæti á flokksþingi með atkvæðisrétti.

FRAMSÓKNARFLOKKURINN

Sveitarstjórnarkosningar 2026

Laugardagur 16. maí 2026 –

Kosningarréttur

• Allir íslenskir ríkisborgarar sem náð hafa 18 ára aldri á kjördag, og sem skráðir eru með lögheimili í viðkomandi sveitarfélagi 38 dögum fyrir kjördag.
• Þeir námsmenn á Norðurlöndunum sem hafa náð 18 ára aldri á kjördag, eiga kosningarrétt í því sveitarfélagi þar sem lögheimili þeirra var skráð við brottflutning.
• Allir danskir, finnskir, norskir og sænskir ríkisborgara sem eiga lögheimili á Íslandi og hafa náð 18 ára aldri á kjördag.
• Aðrir erlendir ríkisborgarar sem hafa náð 18 ára aldri á kjördag og hafa átt lögheimili hér á landi í þrjú ár samfellt fyrir kjördag.

Framsókn