Framboðslisti Framsóknar í Borgarbyggð samþykktur

Listi Framsóknar í Borgarbyggð fyrir komandi sveitarstjórnarkosningar í sameinuðu sveitarfélagi Borgarbyggðar og Skorradalshrepps var samþykktur á fjölmennum félagsfundi í Landnámssetrinu í kvöld.

Á liðnu kjörtímabili hefur Framsókn verið í hreinum meirihluta í sveitarstjórn Borgarbyggðar.

Stórátak hefur verið gert í skipulagsmálum, framboð atvinnu- og íbúðalóða hefur stóraukist, uppbygging íþróttamannvirkja eru í fullum gangi og farið var af stað í nauðsynlegar framkvæmdir.

Oddviti listans er Davíð Sigurðsson. Davíð býr í Miðgarði í Stafholtstungum ásamt eiginkonu sinni, Sigríði Arnardóttur grunnskólakennara við grunnskóla Borgarness, og þremur sonum þeirra. Davíð er sauðfjárbóndi, hrossaræktandi og vélvirki en hann rak um 10 ára skeið dekkjaverkstæði og smurstöð í Borgarnesi. Hann hefur undanfarin 8 ár setið í sveitarstjórn Borgarbyggðar og síðustu 4 ár sem formaður byggðarráðs ásamt því að gegna formennsku í skipulags og byggingarnefnd.

„Ég er spenntur fyrir komandi kjörtímabili. Framsókn hefur komið í gegn stórum og nauðsynlegum framkvæmdum á tímabilinu og við ætlum okkur að halda áfram á þeirri vegferð. Það er frábært að sjá hversu margir eru tilbúnir til þess að taka þátt í því með okkur. Tækifærin eru í Borgarbyggð.

Listann skipa:

1. Davíð Sigurðsson - Formaður byggðarráðs Borgarbyggðar og bóndi

2. Sonja Lind Estrajher Eyglóardóttir - Lögfræðingur

3. Jón Eiríkur Einarsson - Oddviti Skorradalshrepps og bóndi

4. Guðdís Jónsdóttir - Bóndi og ritari í grunnskólanum í Borgarnesi

5. Jón Theodór Jónsson - Framkvæmdastjóri og yfirþjálfari knattspyrnudeildar Skallagríms

6. Ásdís Helga Bjarnadóttir - Umhverfis- bú- og ferðamálafræðingur

7. Kristín Jónsdóttir - Hreppsnefndarfulltrúi og vörubílstjóri

8. Valdimar Reynisson - Skógfræðingur hjá Yggdrasil Carbon

9. Hafdís Jóhannsdóttir - Deildafulltrúi rekstrarsviðs hjá LbhÍ

10. Inga Berta Bergsdóttir - Atvinnurekandi og nemi

11. Bryndís Birgisdóttir - Eigandi og yfirþjálfari Metabolic Borgarnesi

12. Ásdís Lind Vigfúsdóttir - Nemi

13. Egill Gunnarsson - Umsjónarmaður hveititilrauna hjá Lbhí

14. Kristín Erla Guðmundsdóttir - Nefndarmaður og húsmóðir

15. Sigurþór Kristjánsson - Bakarameistari og tónlistarkennari

16. Lilja Rannveig Sigurgeirsdóttir- Ritari Framsóknar og bóndi

17. Bergur Þorgeirsson - Forstöðumaður Snorrastofu

18. Guðveig Lind Eyglóardóttir - Forseti sveitarstjórnar