Sigurður Líndal leiðir lista Framsóknar og annarra framfarasinna í Húnaþingi vestra

Félagsfundur Framsóknarfélags Húnaþings vestra sem haldinn var þann 31. mars samþykkti einróma framboðslista Framsóknar og annarra framfarasinna fyrir sveitarstjórnarkosningar í vor. Listann skipar öflugur hópur nýrra frambjóðenda í forystusveit sem býr yfir víðtækri reynslu og þekkingu á sinni heimabyggð. 

Oddviti listans er Sigurður Líndal Þórisson. Hann er búsettur á Hvammstanga, en fæddur og uppalinn á Lækjamóti í Víðidal. Sigurður hefur viðamikla reynslu af störfum innan menningarheimsins, nýsköpunar, byggðaþróunar og atvinnulífsins, meðal annars af stjórnunarstöðu hjá risafyrirtæki á erlendri grundu. Sigurður er lærður leikari frá ArtsEd í Lundúnum, og með meistaragráðu í stjórnun menningarstofnana frá Birkbeck í sömu borg. 

„Það er með stolti, og af auðmýkt, sem ég tek að mér að leiða þennan frábæra lista. Við erum mætt til að gera samfélaginu okkar gagn,“ segir Sigurður Líndal oddviti listans. 

Framboðslisti Framsóknar og annarra framfarasinna í Húnaþingi vestra