Starfshópur um vindorkuver skipaður

Sigrún Magnúsdóttir umhverfis- og auðlindaráðherra hefur skipað starfshóp sem fara mun yfir regluverk varðandi starfsemi vindorkuvera og framkvæmdir vegna þeirra. Greining starfshópsins mun einnig ná til löggjafar á málefnasviði atvinnuvega- og nýsköpunarráðuneytisins er varðar leyfisútgáfu og eftirlit með starfsemi vindorkuvera.

Áhugi fyrir starfsemi vindorkuvera hefur aukist verulega á síðustu árum og er hópnum ætlað að kanna hvort umfjöllun um þau sé nægileg í íslenskum lögum. Í starfshópnum sitja:

• Steinunn Fjóla Sigurðardóttir, formaður, umhverfis- og auðlindaráðuneyti,

• Herdís Helga Schopka, sérfræðingur, umhverfis- og auðlindaráðuneyti,

• Ottó Björgvin Óskarsson, lögfræðingur, tilnefndur af Skipulagsstofnun,

• Sveinn Þorgrímsson, sérfræðingur, tilnefndur af atvinnuvega- og nýsköpunarráðuneyti,

• Agnar Bragi Bragason, lögfræðingur, tilnefndur af Umhverfisstofnun,

• Margrét Arnardóttir, verkefnastjóri, tilnefnd af Samorku,

• Vigdís Ósk Häsler Sveinsdóttir, lögfræðingur, tilnefnd af Sambandi íslenskra sveitarfélaga,

• Jóhann Ólafsson, sviðsstjóri, tilnefndur af Mannvirkjastofnun,

• Laufey Hannesdóttir, verkfræðingur, tilnefnd af frjálsum félagasamtökum.

Starfshópnum er ætlað að skila greinargerð til ráðuneytisins um þau atriði sem starfshópurinn telur að þarfnist breytinga í viðkomandi lögum og reglugerðum eigi síðar en 1. september 2016.

Heimild: www.umhverfisraduneyti.is