Sveitarstjórnarmál 

1. Framsókn leggur áherslu á að tryggja fjárhagslega og rekstrarlega getu sveitarfélaga til að standa undir lögbundinni þjónustu, innviðauppbyggingu og öðrum brýnum verkefnum til lengri tíma. 

   
   

2. Framsókn vill tryggja íbúum sem jöfnust réttindi og aðgengi að þjónustu, óháð búsetu. 

   
   

3. Framsókn telur mikilvægt að sveitarfélög hafi burði til að mæta áskorunum framtíðarinnar, svo sem: aukinni sérhæfingu, breyttri aldurssamsetningu, búferlaflutningum, tæknibreytingum, og loftslagsmálum. 

   
   

4. Framsókn leggur áherslu á að styðja sveitarfélög í móttöku nýrra íbúa og stuðla að því að þeir komist sem fyrst á vinnumarkað, meðal annars með: bættu aðgengi að raunfærnimati, og auknum tækifærum til sí- og endurmenntunar. 

   
   

5. Framsókn styður sameiningu sveitarfélaga þegar markmiðið er að skapa sterkari og burðugri stjórnsýslueiningar. 

   
   

6. Framsókn vill tryggja skjót viðbrögð þegar náttúruhamfarir eða önnur áföll ógna byggðum. 

   
   

7. Framsókn styður borgarstefnu sem mótar framtíðarsýn um hvernig nýta megi drifkraft Reykjavíkur og höfuðborgarsvæðisins annars vegar og Akureyrar hins vegar til að skapa aukin tækifæri um allt land fyrir búsetu, atvinnu og aðgengi að þjónustu. Borgarstefnan er lykilþáttur í að auka samkeppnishæfni landsins í samræmi við viðmið OECD. 

   
   

Tekjuskipting ríkis og sveitarfélaga 

1. Framsókn vill endurskoða tekjuskiptingu ríkis og sveitarfélaga þannig að sveitarfélög hafi fjármagn til að sinna lögmæltum verkefnum og nærþjónustu. 

   
   

2. Framsókn leggur áherslu á heildstæða endurskoðun sem nái til allra tekjustofna og gjalda. Framsókn vill að sveitarfélög fái hlut af fjármagnstekjuskatti einstaklinga. 

   
   

3. Framsókn telur markmiðið eiga að vera fjárhagsleg sjálfbærni sveitarfélaga  

   
   

4. Framsókn leggur ríka áherslu á að meta áhrif lagasetninga á sveitarfélög. 

   
   

5. Framsókn vill að staðið sé við kostnaðarmat nýrra laga og þingsályktunartillagna og að viðeigandi tekjustofnar fylgi með. 

   
   

6. Framsókn telur að tekjustofnar sveitarfélaga eigi að endurspegla raunverulegan kostnað við veitingu þjónustu. 

   
   

Byggðamál

Landsbyggðarmat í stefnumótun og lagasetningu 

1. Framsókn vill að öll lagafrumvörp og reglugerðir séu metin út frá sjónarmiðum landsins alls. 

   
   

2. Framsókn telur landsbyggðarmat mikilvægt til að tryggja að stefnumótun taki mið af ólíkum aðstæðum í þéttbýli og dreifbýli og vill að það verði fastur hluti af undirbúningi lagasetningar. 

   
   

Fjárfestingar í landsbyggðunum 

1. Framsókn vill nota skattkerfið til að jafna aðstöðu fólks á landsbyggðunum. 

   
   

2. Framsókn leggur áherslu á aukinn stuðning við lítil og meðalstór fyrirtæki. 

   
   

3. Framsókn telur skattkerfið mikilvægt tæki til að fjárfesta í fólki og hvetja til fjölþættari verðmætasköpunar. 

   
   

4. Framsókn vill skapa hvata til að laða ungt fólk að til búsetu um allt land. 

   
   

5. Framsókn vill beita námslána- og skattkerfinu sem hvata fyrir atvinnu og búsetu í dreifðum byggðum, í samræmi við heimildir Menntasjóðs. 

Opinber störf á landsbyggðunum 

1. Framsókn vill dreifa opinberum störfum um allt land. 

   
   

2. Framsókn leggur áherslu á að efla opinberar stofnanir á landsbyggðunum. 

   
   

3. Framsókn vill flytja sérhæfð störf eða skapa tækifæri til starfa án staðsetningar. 

   
   

4. Framsókn telur mikilvægt að ráðuneyti og ríkisstofnanir taki virkan þátt í að jafna aðstöðumun milli landsvæða. 

   
   

5. Framsókn styður klasamyndun í samstarfi ríkis, sveitarfélaga og atvinnulífs. 

   
   

6. Framsókn telur að góð aðstaða, aðbúnaður og samnýting vinnurýma styðji við þetta markmið. 

   
   

Aðgengi að lánsfjármagni

1. Framsókn vill bæta aðgengi atvinnulífs á landsbyggðunum að lánsfjármagni. 

   
   

2. Framsókn leggur áherslu á aukið aðgengi einstaklinga að fjármagni til íbúðarbygginga og endurbóta. 

   
   

3. Framsókn vill auka hvata til nýbygginga og einfalda regluverk. 

   
   

Brothættar byggðir

1. Framsókn styður áfram verkefnið Brothættar byggðir. Framsókn vill beita fjárhagslegum hvötum til að bæta aðgengi að þjónustu á brothættum svæðum. 

   
   

2. Framsókn leggur áherslu á að byggðarlög gleymist ekki að verkefnatíma loknum. 

Samþykkt á 38. Flokksþingi Framsóknar í Reykjavík 14.-15. febrúar 2026.