Kynning á frambjóðanda: Elínborg Ingvarsdóttir

The people

Hún Elínborg skipar 4. sætið á listanum okkar og við erum afar lukkuleg með að hafa fengið hennar krafta með okkur og eiga þeir án vafa eftir að nýtast vel í komandi uppbyggingu. Elínborg er bæði forstöðumaður Þrumunnar og umsjónarmaður Ungmennaráðs en það eru sennilega fáir Grindvíkingar sem brenna jafn heitt fyrir málum barna- og unglinga og hún.

Svo er hún líka ein af nokkrum fulltrúum Ásgarðsættarinnar á listanum. Hvort kjósendur telja það kost eða löst verður bara að koma í ljós!

Nafn: Elínborg Ingvarsdóttir
Aldur: Verð 36 ára 25. apríl
Starf: Tómstunda- og forvarnarfulltrúi í Fjölbrautaskóla Suðurnesja og umsjónamaður Ungmennaráðs Grindavíkurbæjar. Ber reyndar enn titilinn forstöðumaður félagsmiðstöðvarinnar Þrumunnar og held mig líka fast við hann


Fjölskylduhagir: Gift Steinari Sindra Agnarssyni og á tvær dætur, Elena Ása 5 ára og Una Matthildur að verða 3 ára.

Ef þú fengir að vera einvaldur yfir Grindavík í einn dag, hvað myndir þú gera?
Endurvekja Menningarvikuna og halda góða heimatónleika eins og frændur okkar hinum megin við Þorbjörn gera svo vel.

Hvar sérð þú Grindavík eftir fjögur ár: Í blóma og iðandi af lífi. Skólastarf sem styður við styrkleika barna og ungmenna, þar sem við nýtum þessa mögnuðu náttúru sem umlykur okkur, alla söguna og vinnuaflið í bænum, þar sem allir eru klárir að leggja hendur á plóg. Samheldið samfélag og áfram besti íþróttabær á landinu þar sem öll börn geta stundað íþróttir.

Topp fimm:

Fallegasti stjórnmálamaðurinn á Íslandi: Þórdís Kolbrún er glæsileg kona og líka gift Grindvíkingi
Uppáhalds lið í enska: Manchester United að sjálfsögðu
Uppáhalds sjónvarpsþáttur: Friends og Stranger things
Uppáhalds hljómsveit: Hjálmar og Alt-J. Svo er ég mikið búin að vera að hlusta á Khruangbin.
Uppáhalds staður í Grindavík: Bótin, Þorbjörninn og hjartað okkar, íþróttamiðstöðin og fótboltasvæðið.

The future is determined at the centre

The future is determined at the centre

The future is determined at the centre

Topics

What We Do

Progress