Kynning á frambjóðanda: Valgerður Jennýjardóttir

The people

Algengasta nafnið á listanum okkar í ár er Valgerður og nú kynnum við aðra þeirra til leiks.

Þetta er ekki fyrsta ródeóið hennar Valgerðar í bæjarpólítík en hún hefur verið nefndarmaður í félagsmálanefnd hvert kjörtímabilið á eftir öðru, og einnig setið í stjórn UMFG og fimleikadeildarinnar svo eitthvað sé nefnt. Svo var hún líka í skátunum!

Nafn: Valgerður Jennýjardóttir

Aldur: 41

Starf: Leikskólaliði

Fjölskylduhagir: Gift Sigurði Magnúsi Árnasyni og saman eigum við fjögur börn, Emmu Lív, Matthildi Yrsu, Jökul Karl og Rúnar Þór.


Ef þú fengir að vera einvaldur yfir Grindavík í einn dag, hvað myndir þú gera?

Leikskóla frá 12 mánaða og gjaldfrjáls í 6 tíma. Svo myndi ég setja á frístund að hausti fyrir þau börn sem eru að byrja í fyrsta bekk.


Hvar sérð þú Grindavík eftir fjögur ár?

Blómstrandi bæ fullan af lífi, fjöri og tækifærum.


Topp fimm:

Fallegasti stjórnmálamaðurinn á Íslandi: Mér finnst hún frænka mín, Þórdís Kolbrún, alltaf svo fín og flott.

Uppáhalds lið í enska: Það var gerður samningur milli okkar skötuhjúa þegar við byrjuðum saman fjölskyldu að við myndum skipta á milli okkar trúarbragða, börnin eru alin upp sem Poolarar og skírð í þjóðkirkjuna.

Uppáhalds sjónvarpsþáttur: Friends.

Uppáhalds hljómsveit: Engin ein, ég flakka á milli sinfóníu og þungarokks.

Uppáhalds staður í Grindavík: Handavinnustóllinn minn í stofunni á Árnastíg með útsýni yfir bæinn.

The future is determined at the centre

The future is determined at the centre

The future is determined at the centre

Topics

What We Do

Progress